tenpo ni la lipu pi ilo nanpa li lon!

tenpo pini la mi toki e ijo pi ilo nanpa. ilo nanpa li lon. taso lipu pi ilo nanpa li lon ala.

tenpo ni la lipu pi ilo nanpa li lon.


ilo nanpa li sitelen nanpa kepeken suno. ona li ken nanpa e weka -1600 e 1600.

sina ken lawa e ona kepeken nena kepeken nena awen.

sina ken pana e wawa tawa ona kepeken palisa wawa “AAA” tu wan e linja wawa “USB”.


ilo nanpa li jo e nena luka tu tu e nena awen tu:

  • nena awen wawa: ante e wawa. ken wawa li palisa wawa “AAA” li linja wawa “USB”
  • nena awen lawa: en anu weka e nanpa nena
  • ala: ala e nanpa ni
  • wan: en anu weka e wan tawa nanpa ni
  • tu: en anu weka e tu tawa nanpa ni
  • luka: en anu weka e luka tawa nanpa ni
  • mute: en anu weka e mute tawa nanpa ni
  • ali: en anu weka e ali tawa nanpa ni
  • pana: pana e nanpa tawa ilo nanpa. tenpo kama la sina ken kama jo e ona.
  • kama: en enu weka e nanpa pana tawa nanpa ni
  • tenpo: en anu weka e nanpa ni kepeken tenpo

lipu sona pi ilo nanpa li lon ni.

mi wile pana e ilo nanpa tawa jan. ken la mi pana e ilo nanpa lili tawa jan. ken la mi pana e ilo nanpa mute tawa jan. mi sona ala kin.

sina wile e ilo napna, la o toki tawa mi lon lipu anpa “kama pona tawa lipu pi ilo nanpa!“. ken la mi wile pana e ona tawa sina.

mi pali e ilo nanpa kepeken tenpo mute. sina wile e ilo nanpa li jo e mani, la o pana e mani tawa mi. sina ken pana e mani mute e mani lili. mi kama jo e mani mute, la mi ken pana e ilo nanpa tawa jan pi mani ala. mi pana e ilo nanpa tawa sina, la sina ken pana e mani lon tenpo kama.

sina wile e “development kit”, la sina ken pana e mani lili. mi wile e mani mute tan ilo nanpa tan ni: mi pali e ona kepeken tenpo mute. sina wile e “development kit”, la sina pali, la mi pali ala. sina ken pana e mani lili tawa mi. sina wile, la sina ken pali e ilo nanpa li pana e ona tawa jan ante. o toki tawa mi!