kama pona tawa lipu pi ilo nanpa!

o nanpa kepeken nasin nanpa pi toki pona!

ona li ken pali e seme?

  • nanpa ni en nanpa ante
  • nanpa ni weka nanpa ante
  • nanpa e ijo
  • nanpa e tenpo

ona li jo e seme?

ilo suno luka luka luka wan en nena luka tu tu

wawa linja “USB” en lupa wawa palisa “AAA” tu wan

ilo lawa “STM8S001J3”

o kama jo e ijo pona!

⤓lipu sona
⤓sitelen pi ilo sona
⤓nimi mute pi ilo sona

sina wile ala wile e ilo nanpa?

(kepeken toki Inli la, o lukin e ni)

sina wile e ilo nanpa, la o lukin e ni:

  • jan li pana e mani, la poki mani pi ilo nanpa li jo e mani sin pi jan ni.
  • jan li kama jo e ilo nanpa, la mani mute ni “$20 $15″ li weka tan poki mani pi ilo nanpa.
  • jan li ken pana e mani mute mute e mani mute e mani lili e mani ala.
  • poki mani pi ilo nanpa li jo e mani mute ni “$20 $15″, la jan pi mani ala en jan pi mani lili li ken kama jo e ilo nanpa. taso sina jo e mani, la o pana e mani tan ni: mi wile pana e ilo nanpa tawa jan pi mani ala tawa jan pi mani lili.
  • jan li pana e mani mute ni “>$25 >$20/ilo nanpa”, la nimi ona li ken lon lipu pi “jan pi mani mute” lon anpa pi lipu ni.

tenpo ni, la:

  • poki mani pi ilo nanpa li jo e mani ni: “$54”.
  • mi jo e ilo nanpa luka wan (6).

sina wile e ilo nanpa, la o toki tawa mi kepeken “ilonanpa <pi> sadale.net” anu ilo Wesi anu ilo Pepu. sina wile pana e sitelen ni tawa mi:

  • sina lon ma seme? nimi sina li seme?
  • sina wile e ilo nanpa pi mute seme?
  • sina wile pana e mani pi mute seme?
    • mi jo e ilo nanpa, la sina pana e mani mute ni “$20 $15/ilo nanpa”, la sina ken kama jo e ona.
    • sina jo e mani lili e mani ala, la sina pana e mani lili e mani ala, la poki mani pi ilo nanpa li jo e mani namako, la sina kin li ken kama jo e ona.
  • sina pana e mani mute ni “>$25 >$20/ilo nanpa”, la sina ken pana e nimi sina tawa mi. ona li wile lon lipu pi “jan pi mani mute” lon anpa pi lipu ni.

mi wile lukin e sitelen sina. tenpo kama lili la mi wile pana e sitelen tawa sina. tenpo kama pi sitelen mi, la sina wile, la sina ken pana e mani tawa mi. ni la mi wile pana e ilo nanpa tawa sina lon tenpo suno “Saturday” kama.

jan pi mani mute

jan ni li pana e mani mute ni “>$25 >$20/ilo nanpa” tawa ilo nanpa. ona li pona mute tawa ilo nanpa: